ZiyoNET порталининг хизматларидан фойдаланиш қоидалари


  1. Ҳужжат мазмуни
    1. Ушбу қоидалар ZiyoNET порталидан фойдаланиш бошланган вақтдан кучга киради ва белгиланмаган муддат амал қилади;
    2. Қоидалар доирасида кўрсатилаётган хизматларнинг бепул эканлигини ҳисобга олган ҳолда муаллифлик ҳуқуқларини ҳимоя қилишни белгилаш уларга нисбатан қўлланилмайди.
  2. Фойдаланувчилар
    1. ZiyoNET порталининг фойдаланувчилари қуйидаги тоифаларга ажратилади:
      • оддий фойдаланувчилар;
      • ID.UZ тизимидан рўйхатдан ўтган ҳолда авторизация бўлган фойдаланувчилар.
    2. ZiyoNET порталининг оддий фойдаланувчилари фақатгина маълумотларни кўриш имкониятига эгалар;
    3. ID.UZ тизимидан рўйхатдан ўтган ҳолда авторизация бўлган фойдаланувчилар қyйидаги имкониятларга эга:
      1. Ўзи ҳақидаги маълумотларни тўлдириш, дўстликни таклиф қилиш ва қабул қилиш;
      2. Учинчи даражали «zn.uz» доменида сайт-сателлитларни яратиш;
      3. Ўз қизиқишларига кўра гуруҳлар яратиш, гуруҳларда мулоқот олиб бориш, медиа материаллар юклаш ва бошқалар юклаган файлларга изоҳ қолдириш;
      4. "Саволлар ва жавоблар" бўлимида ўз саволларини бериш ва бошқа фойдаланувчилар берган саволларга жавоб бериш;
      5. "Ўйинлар" бўлимининг фойдаланувчилари рейтингида иштирок этиш;
      6. ZiyoNET ахборот ресурс тармоғининг турли танловларида қатнашиш ва ҳ.к.
  3. Сайт-сателлитлар
    1. ZiyoNET порталининг сайт-сателлитлари интернет тармоғидаги сайтлар билан ишлаш ва уларни бошқариш билан танишишнинг дастлабки босқичи ҳисобланади. Сайт-сателлитларнинг фаолияти интернет тармоғидаги ахборот-таълимий ресурслар билан ишлашга ўргатиш ҳамда ўқитувчилар, ўқувчилар ва барча фойдаланувчиларнинг ушбу йўналишдаги илм даражасини оширишга қаратилган. Сайт-сателлитлар, созланган ва ишлашга тайёрланган Wordpress (CMS) контентни бошқариш тизимида яратилади. Барча сайт-сателлитлар 3-даражали «zn.uz» доменида жойлашган;
    2. Сайт-сателлитлар ўзга сайтларни реклама қилувчи ва оммалаштирувчи ахборот майдончаси ҳисобланмайди;
    3. Барча сайт-сателлитларнинг янгиликлар киритилиши ҳолати гоҳ-гоҳ текшириб турилади;
    4. Ҳар бир сайт-сателлитга охирги 3 ой мобайнида камида 5 та мақола жойлаштирилган бўлиши шарт;
    5. Ушбу қоидаларга риоя қилинмаган ҳолда, фойдаланувчининг рўйхатдан ўтиш жараёнида кўрсатиб ўтилган почта манзилига келгуси икки ҳафта мобайнида янгилик киритиш кераклиги кўрсатилган огоҳлантириш хати юборилади. Огоҳлантириш юборилгандан сўнг икки ҳафта ўтгач фойдаланувчи сайтига янги маълумот киритмаса, сайт маъмурияти сайтни ёпиб қўйиш, кейинчалик эса сайтни ўчириш ҳуқуқига эга;
    6. ZiyoNET порталининг маъмурияти сайт-сателлитларнинг ишлаш жараёнида техник носозликлар юз берганида дастурий таъминотга оид техник ёрдам кўрсатадилар;
    7. ZiyoNET порталининг маъмурияти сайт ишлаб чиқариш, уни тўлдириш ва ривожлантириш ишларини амалга оширмайди.
  4. ZiyoNET портали ва сайт–сателлитларда қуйидагилар таъқиқланади
    1. Мазмуни ва сарлавҳаси цензурага мос келмайдиган сўзлар ифодаланган мақолаларни ёзиш ва жойлаштириш, мақола ва изоҳлар ёзиш жараёнида қўпол, жаргон акс этган сўзларни қўллаш;
    2. Қуйидаги маълумотларни жойлаштириш таъқиқланади:
      1. Ўзбекистон Республикасининг амалдаги қонунчилигига зид бўлган;
      2. умуминсоний ахлоқ ва одоб нормаларига тўғри келмайдиган;
      3. ирқий, миллий ва диний зиддиятларни келтириб чиқарувчи сўзларни акс эттирган мақолалар;
      4. эротик характерга эга бўлган расм ва видеолар, ва уларга ҳаволалар мавжуд бўлган мақолалар.
    3. ZiyoNET порталининг қонун-қоидаларини ва уларнинг бажарилишини муҳокама қилиш, сайт маъмурияти ва модераторлар фаолиятига қаратилган очиқдан-очиқ намойишкорона эътироз билдириш.
Хато тўғрисида маълум қилиш Транслит